Fundir og félagsskapur

Eitt megináhersluatriði Rótarýsamtakanna er vinátta milli félaga, innanlands og utan. Annað áhersluatriði er þjónusta ofar eigin hag en Rótarýhreyfingin hefur áratugum saman veitt miklu fé og vinnu í stórverkefni eins og því að útrýma barnalömunarveiki (Polío Plus), Styðja við verkefni í vanþróuðum löndum s.s. að grafa brunna þar sem vantar vatn og styðja konur til mennta. Þar fyrir utan eru minni verkefni, hérlendis og erlendis,  sem ýmist eru unnin af einum klúbbi eða mörgum (innlendum eða erlendum). Sum eru fjármögnuð af klúbbunum sem vinna verkefnið en önnur með stuðningi alþjóðasamtakanna. Rótarýklúbbur Grafarvogs hefur starfað frá árinu 2001. Í dag eru haldnir vikulegir fundir í Borgum, félagsheimili eldri borgara  í Spönginni. 

Félagar eru að jafnaði 25 og hittast  vikulega yfir veturinn að undanskyldum miðvikudögum sem eru næstir fimmtudagsfrídögum sem og vikuna fyrir jól og  vikuna fyrir páska. 

Flestir fundanna fara fram í Borgum en reglulega er farið úr húsi, í heimsókn til fyrirtækja, á vinnustaði félaga eða í ferðalög.