Klúbburinn 58766
- Rótarýumdæmið á Íslandi
- Stofnnúmer
Rótarýklúbburinn Rvík
- Grafarvogur
Fyrstu hugmyndir að
stofnun klúbbsins vöknuðu í samræðum tveggja stofnfélaga, þeirra Arnars
Pálssonar sem var fyrsti forseti klúbbsins og Vigdísar Stefánsdóttur sem tók
við forsetaembætti á eftir Arnari. Stofndagur var ákveðinn 19. júní. Það var
með fram gert til þess að sýna konum virðingu og einkum konum í rótarý.
Móðurklúbbur Grafarvogsklúbbsins er Árbæjarklúbburinn sem reyndist litla, nýja
klúbbnum vel fyrstu mánuðina. Fyrsta starfsárið gekk vel, margir komu að
verkinu. Fyrsta stjórnin samanstóð af Arnari forseta og Vigdísi viðtakandi
forseta, Elísabetu Gísladóttur, Birni Tryggvasyni og Þresti Magnússyni.
Fullgildingadagurinn rann upp bjartur og fagur 31. maí 2002 og telst það stofndagur klúbbsins. Fjöldi gesta þáði
boð klúbbsins og mikið var talað, borðað og sungið fram eftir kvöldi. Klúbbnum
barst talsvert af gjöfum þetta kvöld, m.a. fundahamar og gullslegin bjalla sem
hvoru tveggja hefur verið notað síðan á öllum fundum. Fljótlega eftir stofnun
klúbbsins var tekinn upp sá siður að forseti valdi sér einkunnarorð. Sá siður
hefur haldist og reynir forseti hverju sinni að sjá til þess að starf klúbbsins
mótist af einkunnarorðum sínum - þó auðvitað sé þess gætt að einkunnarorð
heimsforseta séu í hávegum höfð um leið. Annar siður hefur haldist hjá klúbbnum
en hann er að nota ferskeytlu-form fjórprófsins eftir Einar Ragnarsson félaga í
Árbæjarklúbbnum.
Fundir hafa verið með
léttu yfirbragði, skemmtilegir og síðast en ekki síst fróðlegir. Lögð er
áhersla á kynningu starfsgreina, ýmist hjá félögum eða með heimsóknum í
fyrirtæki og stofnanir. Reglulega eru fengnir fyrirlesarar. Klúbbstarfið sjálft
hefur verið lifandi og tekið nokkrum breytingum, allt eftir áherslum starfandi
forseta og stjórnar. Lögð er áhersla á tengingu við fjölskylduna, hverfið og
samfélagið. Félagar halda þriggja mínútna erindi og ávallt geta félagar fengið
orðið fyrir hjartans mál undir liðnum ,,góðar fréttir". Gestir eru ávallt
velkomnir á fundi.
Félagar í klúbbnum
hafa frá stofnun verið um það bil 25. Í dag er um helmingur stofnfélagar en
aðrir hafa bæst við eftir því sem árin liðu. Sumir taka sér frí í styttri eða
lengri tíma en skilað sér venjulega aftur að leyfi loknu.
Í lok hvers fundar fara fundarmenn með fjórprófið. Við hátíðleg tækifæri fær Kjartan
Eggertsson, tónlistarmaður klúbbsins, færi á því að spila undir á meðan
fjórprófið er sungið. Í byrjun voru fundir haldnir í Grafarvogskirkju en hin
síðari ár í Borgum.
Forsetar frá
upphafi:
2026-2027 Björn
Jakob Tryggvason
2025-2026 Á. Bergljót
Stefánsdóttir
2024-2025 Kjartan
Eggertsson
2023-2024 Jón Þór
Sigurðsson
2022-2023 Jóhanna
María Einarsdóttir
2021-2022 Helgi
Helgason
2020-2021 Bjarni
Sigurðsson
2019-2020 Þórunn
Kristjánsdóttir
2018-2019 Ólafur
Ólafsson
2017-2018 Theodór
Blöndal
2016-2017 Loftur
Már Sigurðsson
2015-2016 Ásta
Þorleifsdóttir
2014-2015 Eiríkur
Arnarson
2013-2014 Þröstur
Magnússon
2012-2013 Kjartan
Eggertsson
2011-2012 Björn
Viggósson
2010-2011 Elísabet
Gísladóttir
2009-2010 Jón Þór Sigurðsson
2008-2009 Pálín Ósk Einarsdóttir
2007-2008 María E. Ingvadóttir
2006-2007 Bjarni Kr. Grímsson
2005-2006 Atli Þór Ólason
2004-2005 Bjarni Þór Bjarnason
2003-2004 Björn J. Tryggvason
2002-2003 Vigdís Stefánsdóttir
2001-2002 Arnar Pálsson
